Principal’s Welcome

Hei timatanga koorero, ko te wehi ki te runga rawa naana nei ngaa mea katoa i hanga. Kei taku Kiingi, noho ora mai koe i too ahurewa tapu, kia whaaia tonutia te ara poutama i whakatepehia e ngoo taatou maatua tuupuna. Ki te kaahui ariki whaanui tonu, Paimaarire. Ka tuku tonu atu ngaa karamihi ki te hau kaainga, ki a Ngaati Hauaa, ki te kaiwhakawahi kiingi a Anaru, ko te mana whenua, ko te mana tangata hoki o te kura nei, ka tika! Ki a raatou katoa kua riro ki te kaapunitanga o ngaa wairua, ki tua i te pae o maumahara—takoto mai raa, oti atu. Ki a taatou katoa nga kanohi ora o raatou maa, teena koutou, teena taatou, tihe mauri ora.

E ngaa raauru o ngai horetaataa, nau mai hoki mai,

Ahakoa ngaa piki me ngaa heke o te tau 2020, ngaa aahuatanga o te mate koowheori-19, kua hoki ora mai ngaa tamariki.

Koinei te mihi manahau ki a koutou katoa ngaa whaanau o te kura.

He tau hoou, he akomanga hoou, he tamariki hoou, he marautanga aa kura hoou.  Nau mai te kaupapa o te waahanga tuatahi, ko Tooku Tuakiritanga.

Paimaarire

Hinetai Kereopa
Principal